Mərhum jurnalist Qadir İbrahimli ilə vida mərasimi başa çatıb.
Musavat.com-un xəbərinə görə, mərhumun meyiti dəfn olunmaq üçün Lənkəran şəhərinə yola salınıb.
O, bu gün torpağa tapşırılacaq.
***
Kəskin qaraciyər sirrozundan əziyyət çəkən tanınmış jurnalist Qadir İbrahimli xəstəxanada vəfat edib.
Bu barədə Musavat.com-a TƏBİB-dən məlumat verilib.
Bildirilib ki, 53 yaşlı jurnalist az öncə dünyasını dəyişib.
Qeyd edək ki, mərhum kəskin qaraciyər sirrozu diaqnozu ilə mayın 18-də M.Mirqasımov adına Respublika Kliniki Xəstəxanasının Reanimasiya şöbəsinə yerləşdirilmişdi.
Qeyd edək ki, jurnalistlik fəaliiyyəti boyunca Qadir bir çox mətbu nəşrlərdə, o cümlədən "Yeni Müsavat" qəzetində çalışıb, iqtisadiyyata dair yazılarla çıxış edib. Qəzetimizin kollektivi bu daima pozitiv olan işıqlı həmkarımızı həmişə xoş xatirələrlə anacaq.
***
Qadir İbrahimli ilə vida mərasimi keçiriləcək. Mərasim saat 13.00-da "Jurnalistlər binası"nın həyətində olacaq.
Musavat.com
