Ermənistanın hazırkı hakimiyyəti çoxəsrlik tarixə malik qədim erməni sivilizasiyasını bugünkü işləri açıq desək, pis olan Avropa İttifaqı ilə müqayisə etməkdə əbəsdir.
Musavat.com erməni mediasına istinadən bildirir ki, bunu Rusiya Xarici İşlər Nazirliyinin rəsmisi Mariya Zaxarova deyib.
“Mən bu gün Ermənistanın rəsmi strukturlarının nümayəndələrindən birinin Ermənistanın Avropa demokratik və bəzi digər dəyərlərinin daşıyıcısı olduğunu söyləyən sitatını gördüm”, Zaxarova Zvezda telekanalına deyib. Diplomat davam edib:
“Bilirsən məni nə heyrətə gətirir? İrəvandakı indiki hakimiyyətin nümayəndələri niyə bu qədər zibil atırlar? Nə üçün qədim erməni sivilizasiyasını - bağışlayın, Avropa demokratiyasından çox-çox əvvəl mövcud olmuş mədəniyyətlə, tarixlə, dövlətçiliyi ilə - indiki əslində dalana dirənmiş Avropa Birliyi ilə müqayisə edirlər? Onlar bu barədə danışanda məhz Avropa demokratiyası haqqında danışırlar”. Ermənilərin ürəyinə girmək” üçün N.Zaxrova daha sonra onların “damarını tutmağa” çalışıb:
“Ermənistan mədəniyyətdir, dövlət quruluşudur və bunlar minilliklərə gedib çıxan dövlətçiliyin əsaslarıdır. Onların min illik tarixi var”, - deyə Zaxarova iddia edib və vurğulayıb ki, İrəvan “artıq Qərbdə heç kimin ciddi danışmadığı bir model” tapıb.
O, ABŞ dövlət katibinin siyasi məsələlər üzrə keçmiş müavini Viktoriya Nulandın Avropa İttifaqı haqqında dediklərini xatırladıb.
Qeyd edib ki, hazırda Aİ-nin mövqeyi siyasi, iqtisadi, sosial və hüquqi göstəricilər nəzərə alınmaqla tam görünür. “Hamısı işləmir, hamısı dağılır”- deyə, Zaxarova əlavə edib. “İndi isə min illik tarixə malik qədim sivilizasiyanın nümayəndəsi “sanki ona almaz, yaqut və ya zümrüd müqabilində güzgü göstərilib” özünü “böhran içində olan bir cəmiyyətlə əlaqələndirməyi” xahiş edir”, Rusiya rəsmisi erməniləri “göyə qaldırıb”.
Musavat.com
