Əsas tələblərlə bağlı razılaşma olmadığı üçün yaxın aylarda Korsikada gərginlik artacaq
Fransa prezidenti Emmanuel Makronun Korsika adasının statusu ilə bağlı bəyanatı Pandora qutusunu açıb. Polşa Beynəlxalq Münasibətlər İnstitutunun əməkdaşı Amanda Dziubinska Paris üçün əsas ərazi problemlərindən birinin səbəblərini açıqlayıb və Makronu gözləyən təhlükələrdən yazıb.
Musavat.com xarici mediaya istinadən xəbər verir ki, sentyabda Makron Korsikaya səfər edib. Fransa prezidenti Korsika məclisində etdiyi çıxışda daha böyük muxtariyyət statusunun Fransa Konstitusiyasına daxil edilməsinə tərəfdarı olduğunu bildirib. “Beləliklə, hökumət adada bir ildən artıqdır ki, kəskinləşən siyasi böhrandan çıxış yolu axtarır. 2022-ci il Fransa prezident seçkilərinə üç həftə qalmış Korsikada 1998-ci ildə bir prefektin qətlinə görə ömürlük həbs cəzasına məhkum edilmiş separatçı İvan Kolonnanın həbsxanada öldürülməsindən sonra etirazlar dalğası başlayır. İvan Kolonna Korsika separatizminin və adanın müstəqilliyi uğrunda mübarizənin simvolu kimi qəbul edilirdi. Korsikanın statusu məsələsi daha sonra Fransada ictimai müzakirələrin bir hissəsi oldu. Adada artan gərginliyə və kütləvi anti-hökumət etirazlarına cavab olaraq, Daxili İşlər Naziri Korsikanın statusunun dəyişdirilməsi ilə bağlı danışıqlar apardığını elan etdi. Amma hökumət adada bir ildən artıqdır ki, kəskinləşən siyasi böhrandan çıxış yolu axtarır. Fransa hökuməti ilə və korsikalılar siyasətçilər arasında adanın gələcəyi ilə bağlı keçən danışıqlar dalana dirənib. Bu, adanın statusu ilə bağlı ciddi mövqe fərqləri ilə bağlıdır. Korsikanın solçu millətçiləri "korsika millətinin" qanuni tanınmasına, Korsika dilinin rəsmi status verilməsini tələb edirlər. Korsikanın təhsil, səhiyyə və vergi siyasətinin müstəqil idarə edilməsi də tələblər sırasındadır.
Makron Korsikanın millət və dillə bağlı tələblərindən ehtiyat edir. Makron deyib ki, yaxın altı ay ərzində Korsika partiyaları ilə razılığa gəlmək istəyir ki, konstitusiyaya dəyişiklik təklifləri daha sonra Fransa Milli Assambleyayası və Senatına təqdim etsin. Makron Fransanın “bütün ərazi arxitekturasını” yenidən qurmağa hazır olduğunu bildirib.
Beynəlxalq Münasibətlər İnstitutunun əməkdaşı Amanda Dziubinska deyib ki, əsas tələblərlə bağlı razılaşma olmadığı üçün yaxın aylarda Korsikada gərginliyi artıracaq. “Yerli əhalinin və adada fəaliyyət göstərən banklar və sığorta şirkətləri kimi təşkilatların təhlükəsizliyi risk altında olacaq. Onlar torpaq satışına dəstək verən şirkət və qurumlarla mübarizə bəhanəsi ilə hədəfə alına bilər. Korsika dilinin fransız dili ilə qanuni bərabərləşdirilməsi bütün dövlət qulluqçularının işini çətinləşdirəcək, hətta qeyri-mümkün edəcək” deyə, Dzibunski təhlilində yazıb.
Orxan ƏLİYEV,
Musavat.com
