Kaliforniya qubernatoru Qevin Nyusom ABŞ-ın yeni seçilmiş prezidenti Donald Trampa məktubla müraciət edərək, onu meşə yanğınlarının törətdiyi dağıntıları görmək üçün ştata çağırıb.
Musavat.com NBC News-a istinadən xəbər verir ki, qubernator Trampa yanğınla mübarizə aparan insanları görməyi tövsiyə edib: "Sizi bu yanğınlardan zərər çəkmiş amerikalılarla görüşmək, dağıntıları öz gözləri ilə görmək və həyatlarını riskə atan qəhrəman yanğınsöndürənlərə və ilk müdaxilə edənlərə təşəkkür etməkdə mənə və başqalarına qoşulmaq üçün Kaliforniyaya qayıtmağa dəvət edirəm".
Newsom məktubunda “dezinformasiya” və “siyasiləşmə”dən bəhs edib: “Bu böyük ölkənin ruhunda insan faciəsini siyasiləşdirməməliyik, kənardan dezinformasiya yaymamalıyıq”.
Tramp yanğın başlayandan sonra bir neçə dəfə Kaliforniya qubernatoru və ABŞ prezidenti Co Baydeni yanğınlarda günahlandırıb.
Dünın "TruthSocial" sosial mediadakı bir yazıda Tramp hətta Nyusom və Los-Angeles meri Karen Bassın rəhbərliyini "kobud bacarıqsız" adlandırıb və onları Los-Ancelesi "tamamilə məhv etməkdə" günahlandırıb.
Musavat.com
