Sankt-Peterburqda 37 yaşlı rusiyalını qətlə yetirməkdə şübhəli bilinən Azərbaycan vətəndaşı saxlanılıb.
Cinayətdən əvvəl dəmiryol vağzalındakı kafedə münaqişə baş verib. Nəticədə sərxoş vəziyyətdə olan 56 yaşlı azərbaycanlı rəqibini döş qəfəsindən bıçaqlayıb. Daha sonra zərərçəkən şəhərin tibb müəssisələrindən birinə yerləşdirilib. Lakin həkimlər onun həyatını xilas edə bilməyiblər.
Müstəntiqlər hadisənin bütün hallarının aydınlaşdırılmasına yönəlmiş bir sıra istintaq hərəkətlərini və əməliyyat-axtarış tədbirlərini davam etdirirlər. İstintaq zamanı şübhəli şəxs istintaq təcridxanasına göndərilib./Lent.az
