İsrailə qarşı raket hücumlarını davam etdirən HƏMAS-ın silahlı qanadı İzzəddin əl-Qəssam Briqadaları təşkil etdikləri "Əqsa tufanı"nın yeni görüntülərini paylaşıb.
Musavat.com xəbər verir ki, İsrail ordusu "Əqsa tufanı" adlı əməliyyata qarşı döyüş rejiminə keçib.
Məlumata görə, İsrail döyüş təyyarələri Qəzzanı güclü bombardmana tutublar.
Belə ki, Beyt-Hanun qəsəbəsində, Qəzzanın cənub və mərkəzi hissəsində dövlət qurumlarına məxsus evlər və binalar hədəfə alınıb. Hücumlarda 159 ev dağılıb, 1200-dən çox evə ziyan dəyib.
Netanyahu hökuməti ölkədə müharibə vəziyyətinin elan edildiyini açıqlayıb.
İsrail ordusunun sözçüsü Qəzza zolağına edilən hücumlarda 400 HƏMAS üzvünün öldürüldüyünü açıqlayıb.
Qeyd olunub ki, hücumlarda həlak olan İsrail əsgərlərinin sayı 70-i keçib. 750 israillinin itkin düşdüyü bildirilir.
