Sağlam bir həyat sürmək və bədəninizi xəstəliklərdən qorumaq üçün idman vacibdir. Mütəxəssislər idmanın sağlam bədən üçün əhəmiyyətinə diqqət çəkir. Daimi fiziki fəaliyyət sağlamlığı dəstəkləyir və ürək xəstəliyi, insult, demans, depressiya, diabet və bir çox xərçəng növlərinin inkişaf riskini əhəmiyyətli dərəcədə azaldır.
Musavat.com xəbər verir ki, Türkiyənin tanınmış həkimi Bilal Boztosun hər gün 30 dəqiqə idman etməyin hipertoniya riskini beşdə bir ölçüdə azaltdığını qeyd edib.
"Nizamlı fiziki fəaliyyətin sağlamlığa faydalarını dəstəkləyən çoxlu dəlil var və bilirik ki, ürək xəstəliyi, insult, demans, depressiya, 2-ci tip diabet və bir çox xərçəng növü inkişaf riskinizi əhəmiyyətli dərəcədə azaldır. Bundan əlavə, fiziki məşq hər hansı bir səbəbdən və yuxudan vaxtından əvvəl ölüm riskinizi azaldır. Bundan başqa, çəki nəzarəti, sümük sağlamlığı və tarazlığı qorumaq kimi bir çox faydası var".
Həkim fiziki fəaliyyətin olmamasının ürək-damar və 2-ci tip diabet kimi xəstəliklər üçün ən böyük risk faktorları arasında olduğunu və bütün ölümlərin 40 faizini təşkil etdiyini açıqlayıb.
"Hər gün 30 dəqiqə idmanla məşğul olmaq hipertoniya riskini təxminən beşdə bir ölçüdə azalda bilər, həftədə dörd saat fiziki fəaliyyət isə sağlam bir təzyiqlə ömür boyu dərman istifadə etmək məcburiyyətinin qarşısını ala bilər. Əgər kardio və ya güc məşqlərinə başlayacaqsınızsa, 5-10 dəqiqəlik isinmə hərəkətləri ilə başlayın və seansı bir az dartınmaqla bitirin. Bu, əzələ kramplarını aradan qaldırır, hərəkət diapazonunu və tarazlığı yaxşılaşdırır" - Boztosun qeyd edib.
Musavat.com
