Xəbər verdiyimiz kimi, bu gün tanınmış aparıcı Elvin Basqallı qəzaya düşüb. Aparıcı özünə məxsus maşında Kürdəmir rayonunda buzlu yolda idarəetməni itirib. Nəticədə avtomobil bir neçə dəfə aşıb.
Musavat.com xəbər verir ki, Elvin Basqallı ailəsi ilə birgə uğradığı qəza ilə bağlı açıqlama verib.
Jurnalist qeyd edib ki, hadisə Gəncədən qayıdarkən baş verib.
"Gəncədən əsgər görüşündən gələrkən buzlu yolda maşını aşırdıq. Kiçik əziklər istisna olmaqla, hamımız xəsarətsiz qurtulmuşuq. Maraqlanan hər kəsə minnətdaram", - deyə o qeyd edib.
Musavat.com
