ABŞ rəsmiləri bu yaxınlarda məxfi brifinqdə Konqresə bildiriblər ki, ABŞ oktyabrın 7-dən bəri İsrailə 100-dən çox silah satışını təsdiqləyib və təhvil verib.
Musavat.com xəbər verir ki, bu barədə məlumatı “Washington Post” adı açıqlanmayan rəsmilərə istinadən yayıb.
Xəbərə görə, satışa minlərlə dəqiq idarə olunan sursat, kiçik çaplı bomba və digər silahlar daxildir. Əlavə olaraq, hər satışın dəyəri nəzərə alınacaq minimum məbləğdən aşağı düşdüyü üçün onların əvvəlcə Konqres tərəfindən təsdiqlənməsinə ehtiyac olmayıb. Başqa sözlə, aşağı satış məbləğləri səbəbindən Konqresin təsdiqindən yan keçilib.
“Washington Post”a danışan Bayden administrasiyasının keçmiş rəsmisi Ceremi Konyndik vurğulayıb ki, bu satışlar olmasa, İsrail Qəzzaya hücumlarını davam etdirə bilməyəcək.
Musavat.com
