Aktrisa Çimnaz Sultanova vəfat edib.
Musavat.com xəbər verir ki, bu barədə report-a aktrisanın yaxınları məlumat verib.
Məlumata görə, aktrisa 43 yaşında bağırsaq xərçəngindən dünyasını dəyişib.
O, son iki ayda ağır xəstəlikdən əziyyət çəkirmiş.
Məlumata görə, bu gün aktrisanın doğum günü idi.
Mərhum aktrisa sabah dəfn ediləcək.
Qeyd edək ki, Çimnaz Sultanova 15 yanvar 1982-ci ildə Bakıda anadan olub. “Vicdan haqqı”, “Sənə inanıram”, “Bayram axşamı” kimi bir sıra serial və filmlərdə rol alıb.
