Birləşmiş Ərəb Əmirlikləri fevral ayında ABŞ-a məlumat vermişdi ki, Əbu-Dabidəki Əl-Dəfra hava bazasında yerləşən Amerika döyüş təyyarələri və pilotsuz uçuş aparatlarının Yəmən və İraqda hücumlar həyata keçirməsinə bundan sonra icazə verməyəcək.
Musavat.com xəbər verir ki, “Wall Street Journal” qəzeti ABŞ-ın yeni bir addımla Qətərdəki Udeid hava bazasına döyüş təyyarələri və silahlı pilotsuz uçuş aparatlarını köçürəcəyini iddia edib.
WSJ-nin məlumatına görə, döyüş təyyarələrinin yerlərinin dəyişdirilməsi Birləşmiş Ərəb Əmirliklərində uzun müddətdir istifadə edilən hava bazasından ABŞ-ın zərbə endirməsinə qoyulan məhdudiyyətləri aradan qaldıracaq.
Bu addım Körfəz ölkələri ilə Vaşinqton arasında artan gərginliyi vurğulayır. WSJ-nin məlumatına görə, BƏƏ rəsmiləri regionda gərginlik artdıqca ABŞ qüvvələrinin İranın etibarlı qüvvələrinin hədəfinə çevrilə biləcəyindən ehtiyatlanır. Adı açıqlanmayan mənbə WSJ-yə verdiyi açıqlamada BƏƏ-nin özünü qorumaq üçün belə bir qərar verdiyini iddia edib.
Müzakirələrdən xəbərdar olan başqa bir mənbə iddia edib ki, ABŞ qətərlilərlə Əl-Udeydə əlavə döyüş təyyarələri, kəşfiyyat təyyarələri və silahlı pilotsuz uçuş aparatları ötürmək üçün razılıq əldə edib.
Qətərdən və uzun müddətdir İsraillə HƏMAS arasında danışıqlarda vasitəçilik rolunu oynayan Pentaqondan məsələ ilə bağlı rəsmi açıqlama verilməyib.
Musavat.com
