2026-cı ilin ikinci Merkuri retrosu iyunun 29-da başlayacaq və iyulun 23-dək davam edəcək. Astroloqlar bildirirlər ki, bu dövrün təsirləri hələ iyunun 22-dən etibarən hiss olunmağa başlayıb. Bu dəfə Merkuri Xərçəng bürcündə gerilədiyi üçün ailə münasibətləri, keçmiş xatirələr, emosional qərarlar və yarımçıq qalmış məsələlər daha çox gündəmdə olacaq.
Musavat.com-un xəbərinə əsasən, mütəxəssislər hesab edir ki, Merkuri retrosu yeni başlanğıclardan daha çox, keçmişə nəzər salmaq, səhvləri düzəltmək və tamamlanmamış işləri yekunlaşdırmaq üçün münasib zamandır.
Qoç
Bu dövrdə diqqətiniz ailə və ev məsələlərinə yönələcək. Uzun müddətdir həllini tapmayan ailədaxili problemlər yenidən gündəmə gələ bilər. Yaşayış yerinin dəyişdirilməsi, təmir işləri və ya əmlakla bağlı məsələlərdə gecikmələr mümkündür. Ailə üzvləri ilə ünsiyyətdə daha anlayışlı olmaq tövsiyə edilir.
Buğa
Ünsiyyət sahəsində çətinliklər yarana bilər. Göndərilən mesajların yanlış anlaşılması, texniki problemlər və sənədlərlə bağlı qarışıqlıqlar mümkündür. Bununla yanaşı, köhnə dostlarla və qohumlarla əlaqələrin yenidən bərpası ehtimalı yüksəkdir.
Əkizlər
Maliyyə məsələləri ön plana çıxacaq. Gecikən ödənişlər, gözlənilməz xərclər və ya köhnə borclar yenidən xatırlana bilər. Astroloqlar bu dövrdə iri alış-verişlərdən çəkinməyi və büdcəni diqqətlə planlaşdırmağı tövsiyə edirlər.
Xərçəng
Retro sizin bürcünüzdə baş verdiyi üçün təsirləri daha güclü hiss edə bilərsiniz. Keçmiş hadisələr və münasibətlər tez-tez yada düşəcək. Özünüzü ifadə etməkdə çətinlik çəkə, qərarsızlıq yaşayaraq emosional dalğalanmalarla üzləşə bilərsiniz.
Şir
Daxili dünyanız daha da aktivləşəcək. Keçmişdə gizli qalmış məsələlər ortaya çıxa bilər. Bu dövrdə intuisiyanız güclənəcək, yuxularınız isə daha təsirli və mənalı görünəcək.
Qız
Köhnə dostluqlar və sosial əlaqələr yenidən gündəmə gələcək. Uzun müddətdir görüşmədiyiniz insanlarla qarşılaşa bilərsiniz. Lakin kollektiv layihələrdə anlaşılmazlıqlar və plan dəyişiklikləri mümkündür.
Tərəzi
Karyera və iş həyatı ilə bağlı məsələlər diqqət mərkəzində olacaq. Rəhbərliklə münasibətlərdə köhnə mövzular yenidən müzakirə oluna bilər. Yarımçıq qalmış layihələri tamamlamaq üçün əlverişli vaxt olsa da, yeni iş müqavilələrində ehtiyatlı davranmaq məsləhətdir.
Əqrəb
Təhsil, səyahət və hüquqi məsələlərdə gecikmələr yarana bilər. Planlaşdırılmış səfərlərdə dəyişikliklər, sənədləşmə işlərində isə əlavə problemlər yaşana bilər. Keçmişdə yarımçıq qalan təhsil planları yenidən gündəmə gələ bilər.
Oxatan
Birgə maliyyə, kredit, vergi və miras mövzuları ön plana çıxacaq. Gözlənilən ödənişlərin gecikməsi və ya unudulmuş maliyyə öhdəliklərinin ortaya çıxması mümkündür. Maddi məsələlərdə riskli qərarlardan uzaq durmaq tövsiyə olunur.
Oğlaq
İkili münasibətlər sınaqdan keçə bilər. Keçmiş sevgililər və ya köhnə tərəfdaşlarla bağlı hadisələr yenidən gündəmə gələ bilər. Mövcud münasibətlərdə isə həll olunmamış problemlərin müzakirəsi qaçılmaz görünür.
Dolça
Gündəlik iş rejimində qarışıqlıq yarana bilər. İş yoldaşları ilə ünsiyyətdə diqqətli olmaq lazımdır. Sağlamlıqla bağlı yarımçıq qalan müayinələr və ya müalicələr yenidən gündəmə gələ bilər.
Balıqlar
Retro dövrü sevgi həyatınıza və yaradıcılığınıza təsir göstərəcək. Keçmiş münasibətlərdən xəbər almaq ehtimalı yüksəlir. Eyni zamanda yarımçıq qalmış yaradıcı layihələrə qayıtmaq və yeni ilham mənbələri tapmaq üçün əlverişli vaxtdır.
Könül
Musavat.com
