Böyük Britaniyanın yeni baş naziri Kir Starmer NATO-nun ilk sammitində iştirak edəcək. Mühafizəkarları məğlub edən Leyboristlər Partiyası milli təhlükəsizliyə sadiqliyini, Ukraynaya dəstəyin davam edəcəyini. həmçinin Şimali Atlantika Alyansı ilə tarixi əlaqəsini vurğulayıb.
“The Guardian” yazır ki, K. Starmer ABŞ-da keçiriləcək seçkilərin Amerikanın ortamüddətli mövqeyini şübhə altına aldığı bir vaxtda Britaniyanın Ukraynaya sadiqliyini vurğulamaq məqsədi daşıyan NATO sammiti üçün Vaşinqtona uçur.
Bu, Böyük Britaniyanın yeni baş nazirinin seçkidən dörd gün sonra baş tutacaq ilk beynəlxalq səfəridir. Krallığın baş nazirləri ənənəvi olaraq ilk səfərlərini ABŞ-yə edirlər.
Starmer verdiyi mesajda Ukrayna prezidenti Vladimir Zelenskini əmin edib ki, hakimiyyətin Leyboristlər hökumətinə keçməsi Kiyevin Britaniyadan görəcəyi dəstəyə heç bir təsir etməyəcək.
Çərşənbə günü səhər rəsmi olaraq açılan və axşam Ağ Evdə şam yeməyini əhatə edən iki günlük sammitdə Starmerin Bayden, Zelenski və digər Qərb liderləri ilə ikitərəfli görüşlər üçün vaxtı olacaq. Cümə axşamı Ukrayna-NATO-nun xüsusi iclası, ardınca isə yekun mətbuat konfransları keçiriləcək.
Starmerin Baydenlə baş nazir kimi ilk görüşü adətən yüksək səviyyəli bir hadisədir, lakin ABŞ prezidentinin yaşı və səhhəti ilə bağlı suallarla diqqətli hazırlıq tələb oluna bilər.
Musavat.com
