ABŞ prezidenti Co Bayden teledebatda uğursuz çıxışına baxmayaraq, Demokrat Partiyasının dəstəyinə arxalana biləcəyini söyləyib.
Musavat.com xəbər verir ki, bu barədə o, Pensilvaniyada tərəfdarları qarşısında çıxışı zamanı söyləyib.
“Sizi partiya üzvləri dəstəkləyirmi?” sualına Ağ Evin rəhbərinin cavabı qısa və lakonik olub: “Bəli”.
ABŞ-da prezident seçkiləri noyabrın 5-də keçiriləcək. Tramp artıq respublikaçıların dövlət başçısı vəzifəsinə namizəd kimi irəli sürülməsi üçün lazımi sayda nümayəndə səsini toplayıb. İkinci müddətə namizədliyini irəli sürən Bayden Demokratlar Partiyasından kifayət qədər sayda nümayəndənin dəstəyini qazanıb. Onların namizədliklərinin yayda keçiriləcək partiya qurultaylarında təsdiqlənməsi planlaşdırılır.
Musavat.com
