Bakı şəhərində taksi sürücüsü insanların həyatını riskə atıb.
Musavat.com oxu.az-a istinadən bildirir ki, "Toyota" markalı 99-PV-559 dövlət nömrə nişanlı avtomobilin sürücüsü qaydaları kobud şəkildə pozub.
O, avtomobili təhlükəli idarə edərək, polislərin qanuni tələbinə məhəl qoymayaraq, əks yola çıxaraq hərəkət edib.
Bununla kifayətlənməyən sürücü sükan arxasında telefonda "domino" oyunu oynayıb.
Sərnişinlər onun hərəkətinə etiraz etsələr də, o, buna əhəmiyyət verməyib.
