Çexiya Prezidenti Andrey Babiş Avropanı Rusiya Prezidenti Vladimir Putinlə birbaşa danışıqlardan imtina etməkdə sərt şəkildə tənqid edib.
Musavat.com xəbər verir ki, Babiş macar mətbuatına verdiyi müsahibədə, münaqişənin başlanğıcından etibarən Avropanın Kremlin rəhbəri ilə birbaşa əlaqə qurmaqdan çəkinməsini və bunun artıq çox gec ola biləcəyini vurğulayıb.
Babiş Macarıstan Baş naziri Viktor Orbanın müharibə başlayandan sonra bir neçə dəfə Putinlə birbaşa əlaqə qurmağa çalışdığını, lakin bunun digər Avropa ölkələri tərəfindən sərt tənqid edildiyini bildirib. Onun sözlərinə görə, birbaşa danışıqlar müharibənin yüngülləşməsi və gərginliyin azaldılması üçün mühüm bir addım olardı, lakin Avropa ölkələri bu fürsəti dəyərləndirmədi.
Çexiya Prezidenti həmçinin, münaqişənin sülh yolu ilə həllinin çox çətin olduğunu, xüsusən də ABŞ prezidenti Donald Trampın bu məsələdə iştirak etmədiyi halda, sülhün bərqərar olmasının mümkün olmadığını qeyd edib. Babiş Trampın diplomatik təcrübəsinin və beynəlxalq əlaqələrinin bu münaqişənin həlli üçün çox əhəmiyyətli olduğunu vurğulayıb.
Musavat.com
