Bu ilin may ayında "Azərbaycan Dəmir Yolları" QSC 1,665 milyon ton yük daşıyıb ki, bu da ötən ilin eyni dövrü ilə müqayisədə 23 % çoxdur.
Musavat.com bu barədə səhmdar cəmiyyətə istinadən xəbər verir.
Məlumata görə, ötən ay tranzit daşımaları 700,6 min ton təşkil edərək 1 il əvvəlki göstəricisini 34 % üstələyib.
Tranzit yükdaşımalarda Şərq-Qərb dəhlizi üzrə 48 % (398,5 min ton), Şimal-Cənub istiqaməti üzrə 26 % (55,1 min ton), Şimal-Qərb istiqaməti üzrə isə 19 % (236,5 min ton) artım qeydə alınıb.
