“Ağalı kəndi ağıllı və yaxşı infrastrukturun kombinasiyasıdır”.
Musavat.com xəbər verir ki, bunu “Report”a UNICEF-in Azərbaycandakı nümayəndəsi Aleks Haykens Zəngilan rayonuna və “ağıllı” Ağalı kəndinə səfəri haqqında təəssüratlarını bölüşərkən deyib.
“Sakinlər Ağalı kəndinə köçdükdən sonra onların fikrini öyrənmək maraqlı olacaq”, - o bildirib.
A.Haykens vurğulayıb ki, su ehtiyatlarının idarə edilməsi və keyfiyyətinin yaxşılaşdırılması regionda və onun hüdudlarından kənarda birgə fəaliyyətin həyata keçirilməsini tələb edir: “Suyun keyfiyyəti insan sağlamlığı baxımından çox vacib amildir”.
