Mərakeş Krallığında səfərdə olan Milli Məclis sədrinin müavini, Gənclər və idman komitəsinin sədri Adil Əliyev iyunun 13-də Tanzaniya Parlamentinin spikeri Tulia Akson ilə görüşüb.
Musavat.com xəbər verir ki, görüşdə ikitərəfli və beynəlxalq parlament təsisatlarındakı əlaqələr müzakirə edilib.
Görüş zamanı Ermənistanın 30 illik təcavüzündən, postmüharibə dövründə işğaldan azad edilmiş ərazilərdə Azərbaycan Prezidenti tərəfindən aparılan irimiqyaslı abadlıq quruculuq işlərindən, qısa müddət ərzində iki beynəlxalq hava limanının tikilərək istifadəyə verilməsindən bəhs edib.
