Saatlı rayonunda ağır yol qəzası baş verib.
“Qafqazinfo” xəbər verir ki, hadisə rayonun Qara Nuru kəndində qeydə alınıb.
2000-ci il təvəllüdlü Emil Astanov sürücülük vəsiqəsi olmadan və sərxoş halda idarə etdiyi “VAZ- 21063” markalı avtomobili yol kənarındakı binaya çırpıb. Nəticədə sürücünün anası, 1959-cu il təvəllüdlü Aybəniz Astanova ağır xəsarətlər alıb. O, Bakıda Kliniki Tibbi Mərkəzə yerləşdirilsə də, vəfat edib.
Faktla bağlı cinayət işi başlanıb, araşdırma aparılır.
