7 iyul gecəsi Ukrayna Silahlı Qüvvələrinin pilotsuz uçuş aparatları (PUA) beynəlxalq sanksiyalar altında olan səkkiz yanacaq tankerini - Rusiya kölgə donanmasına məxsus gəmiləri vurub.
Musavat.com xəbər verir ki, məlumatı Ukrayna Silahlı Qüvvələrinin pilotsuz uçuş aparatları komandanı Robert Brovdi (Madyar) açıqlayıb. O, tankerlərin vurulması anının videosunu da yayımlayıb:
"Kölgə donanması pusqudan çıxır. Rusiya kölgə donanmasına məxsus səkkiz tanker bir gecədə 414-cü briqada - "Madyar quşları"ndan olan Kairos pilotları tərəfindən aşkar edilib və sıradan çıxarılıb. Azov dənizində Krım uğrunda, benzin uğrunda döyüş davam edir".
Madyarın sözlərinə görə, 7 iyul gecəsi hava-dəniz döyüşü "sənaye səviyyəsinə" çatıb: səkkiz yanacaq tankerindən, bir toplu daşıyıcıdan və bir bərədən ibarət bir qrup vurulub.
Madyar qeyd edib ki, vurulan bütün tankerlər müəyyən edilib - onlar beynəlxalq sanksiyalar altındadırlar, 7000 ton dedveytə malik, 140 metr uzunluğundadır və 2006-2012-ci illər arasında istehsal olunub. Bunlar “Venera-3”, “Sanar-1”, “Sanar-17”, “Klimena”, “Teti”, “Aleksey Savrasov” və “Penelope”dir.
Bundan əlavə, Brovdi əlavə edib ki, gecə ərzində DSX qüvvələri Ukraynanın müvəqqəti işğal olunmuş ərazisində düşmənin əməliyyat dərinliyindəki 58 hərbi hədəfi uğurla vurub.
Onun sözlərinə görə, Krımdakı elektrik stansiyaları da "logistika ilə birlikdə yanır".
Musavat.com
