İtaliyanın keçmiş baş naziri Silvio Berluskoni ilə Rusiya prezidenti Vladimir Putin arasında münasibətlərə dair yeni təfərrüat ortaya çıxıb.
Bununla bağlı İtaliya Senatının keçmiş üzvü Fabrizio Çikkitto “Corriere della Sera” qəzetinə müsahibə verib.
O qeyd edib ki, Rusiyada ov zamanı Putin iki cüyür vurub, onlardan birinin ürəyini çıxararaq Berluskoniyə verib: “O isə şok keçirərək, bir ağacın arxasına keçib və qusub. Bəzi mənbələrdə Berluskoninin əvvəllər heç vaxt silah tutmadığı da yazılır. Putin Berluskonidən cüyürü ovlamasını da istəyib. İtaliya lideri belə bir şey edə bilməyəcəyini deyib”.
Qeyd edək ki, qəzet 20 ildən artıqdır ki, ikili arasında yaxşı münasibətlər olduğunu da vurğulayıb. (Publika.az)
