Bu gün REAL TV-nin efirində Ermənistan, ermənilər və Fransa ilə davam edən gərginliyi Namide Bingöl xanımla müzakirə etdik!
Bütün səhnələşdirilən təxribatlar Azərbaycanı daha bir strateji uğurdan - Ağdam - Xankəndi yolunu işə salmaqdan çəkindirmək, bunu ləngitmək, bahalıya "satmaq" üçündür. Eyni ilə Laçın - Gorus sərhədində Buraxılış Postu qoymaq ərəfəsində bu cür təxribatlar, diversiyalar var idi. O zaman kənar təhrikçi İran idi: buna görə kobud, qanlı və radikal xarakterli təxribatlar, araqarışdırmalar oldu. Lakin Azərbaycan Postunu qoydu: hər mənada!
İndi kənar təhrikçi Fransadır. Orada "Sepah" yoxdu; fəqət liboş merlər var; toplanıb gəlmişlər və "TIR"lara minib, Qarabağa, "oppalara" getməyə cəhdlər göstərdilər.
Bu yaxınlara qədər istənilən fransız əsilli "erməni" rahatca gəlib Qarabağa keçə bilir, Xankəndində, başqa məntəqələrdə görüşlər keçirdir; fotolar, filimlər çəkdirir, bizə yandıx verirdi. İndi Parisin, Strasburqun merləri, senatorlar, incə - mincə, amma siyasi çəkisi böyük olan liboşlar gəldilər. Fəqət sərhədimizi keçə bilmədilər!
Azərbaycan 3 aydır bu layihənin üzərində işləyir! Laçın yoluna alternativ, ilk zamanlar həm də paralel olaraq, Ağdam yolu! Açılmalıdır, açılacaq, açılmaqdadır!
İlk yük karvanı bu yolu keçdi, Əskərana dayandı və ermənilər hay -küylə bu hərəkəti hər yerdə tirajladılar. Yolu kəsdilər, bağırıb - çığırdılar... Azərbaycan ermənini özünə işlətdi! Proses davam edir.
30 il bağlı qalan Ağdam - Xankəndi yolu dünyanın gözündə, ermənilərin nəzdində LEGİTİMləşdi! Bu boyda prosesin qarşısını 30-40 dılğır erməni və 10-15 dongili fransızla almaq qeyri - mümkündür. Həm də ona görə ki, bütün bunlar beynəlxalq qanunlarla yanaşı, gücün qanunları ilə idarə olunur. Həm haqlıyıq, həm güclüyük!
Bunlardan danışdıq, gələcəkdən söz açdıq, görəcəkləri təhlil etdik!
Rauf ARİFOĞLU 
