Putinin Xankəndi əməliyyatının şifrəsi əslində çox sadədir!
"Broker lider" modeli ilə (Gürcüstanda Saakaşvilini yıxan İvanaşvili modeli) Rusiya milyarderi Vardanyan öncə Xankəndini nəzarətə görürür, əsas gücə çevrilir...
Rəsmi Bakı ilə də icma (rejim) adından o muhattab olur...
Daha sonra isə, bəlkə də ən qısa zamanda İrəvan hökumətinin başına keçirilir...
Qarabağdakı rejimin başında olanların daha sonra İrəvanın başına keçməsinə dair iki parlaq nümunə var: Köçəryan və Sərkisyan...
Onlar da (Qarabağ klanı) bu layihəyə dəstək verəcəklər, hətta verirlər...
Bu baxından, milyarder Vardanyanın Xankəndi mitinqinə bir az fərqli rakursdan baxmaq lazımdır.
O aksiya heç şübhəsiz, bir güc göstərisi idi, həm də provokasiyaydı. Lakin bu gücün nümayişi yalnız Azərbaycana qarşı deyil, daha çox İrəvan hökumətinə, Paşinyana qarşı idi. Azərbaycan Xankəndinə yığılan ermənilərdən dəfələrlə böyük gücü darmadağın edib, Ermənistan silahlı qüvvələrini bitirib, onları işğal etdikləri torpaqlardan it kimi qovub.
Bu baxımdan, 5-10 min dinc sakinin bir meydana toplanması Bakıya vız gələr. Görünən budur ki, Putinin Qarabağdakı brokeri Vardanyanın tapşırığı iki vektorludur. Və əsas vektorun da istiqaməti ...İrəvandır. Xankəndində nəinki Vardanyanın, heç Putinin də gələcəyi yoxdur. Xankəndində yad planların ömrü uzun sürməz!
Lakin Rusiyanın Ermənistan planları uzun vədəlidir. Və çar Putin Ermənistanı Qərbə doğru aparan Paşinyan hakimiyyətini yaxın gələcəkdə içəridən bitirməyi planlayır. Əks halda, Ermənistan da Ukrayna ssenarisində olduğu kimi, qarşıdakı illərdə Rusiyanın nəzarətindən çıxacaq.
Tv Musavatın "Canlı Debat" verilişində bu barədə də danışdıq. Dedik ki, Vardanyanın ilk öncə Xankəndində, daha sonra isə İrəvanda iqtidara gətirmək planına start verilib.
Verilişdən həmin parçanı təqdim edirəm.
Rauf Arifoğlu, Musavat.com
Musavat.com
Rauf ARİFOĞLU 
