İLK yayım saatı: 00:32
Alimlər müxtəlif qan qruplarına malik insanların xüsusiyyətlərini açıqlayıblar. Maraqlısı isə araşdırmalar zamanı qan qrupu ilə cazibədarlıq arasında əlaqənin olduğu məlum olub.
Musavat.com Lent.az-a istinadla xəbər verir ki, araşdırmanın nəticəsini "PlanetToday" portalı təqdim edib.
Beləliklə, birinci qan qrupunun daşıyıcıları, alimlərin fikrincə, digərlərindən daha seksual və gözəldirlər, insanları ovsunlayan və hətta təsir edə bilən xüsusi cazibə və cəlbediciliyə malikdirlər. İkinci qan qrupu olan insanlar ən xarizmatik insanlardır, onlar istedadlı, çalışqandırlar, həmçinin şəfqətli olmağı, diqqəti cəlb etməyi və başqalarının qəlbini fəth etməyi bacarırlar.
Üçüncü qan qrupunun daşıyıcıları ən həssas və mülayimdirlər, emosional zənginliyi ilə digər insanları heyrətləndirməyi bacarırlar.
Nəhayət, dördüncü qrupun sahibləri, göründüyü kimi, əsl romantiklərdir, məhəbbət və qayğı ilə səxavətlidirlər. Onlar həm də çox çalışqandırlar və istənilən məsuliyyətin öhdəsindən gələ bilirlər.
