Smartfondan tez-tez istifadə nəinki yaşlı nəsildə, hətta məktəblilərdə də buxağın və boyunda “Venera halqalarının” əmələ gəlməsinə səbəb olur. Bəs texnoloji tərəqqinin bu mənfi təsirindən xilas olmaq mümkündür?
Bu suala kosmetoloqlar cavab veriblər.
Həkim Mariyat Muxina izah edib ki, baş irəli əyildikdə, yük yeddinci boyun fəqərəsi nahiyəsində hiperkifoza, həmçinin üçüncü, dördüncü və beşinci boyun fəqərələri nahiyəsində hiperlordoza səbəb olur. Bu qövs boyun toxumalarını irəli aparır, nəticədə buxaq şəklində çıxıntı əmələ gəlir.
“Baş cəmi 15 dərəcə əyildikdə, yük 12 kiloqrama, 30 dərəcəyə qədər əyildikdə - 18 kiloqrama qədər, 45 dərəcəyə qədər əyildikdə - 22 kiloqrama qədər, 60 dərəcədə isə - 27 kiloqrama qədər artır. Bu, boyun əzələlərinin ön hissələrinin qısalmasına səbəb olur, orta əzələni yerindən çıxarır, hətta məktəblilərdə də boyunda çoxmərhələli “Veneranın halqalarının” əmələ gəlməsinə səbəb olur”, - Muxina "Vm.ru"ya açıqlamasında vurğulayıb.
Kosmetoloq-dermatoloq Natela Qrişina buxaqdan qurtulmağın yollarından danışıb. O, bildirib ki, effektiv üsullardan biri SMAS linftinq qurğusudur. Bu, dərinin dərinliklərində yerləşən və başqa üsullarla əldə edilə bilməyən əzələ aponevrotik təbəqəsinə ultrasəs üsulu ilə təsir göstərir. Həmçinin "ağıllı telefonların yaratdığı ikinci çənədən" xilas olmaq üçün radioliftinq tətbiq olunur. Bu da eyni zamanda dərialtı yağ toxumasına və tonusunu itirmiş dermisə təsir edir. Fraksiyalı lazer isə termal təsirlərə görə kollagen liflərinin yenilənməsini stimullaşdırır. Qrişinanın sözlərinə görə, bu cihaz sayəsində dəri yenilənir və daha sıx olur. Başqa bir üsul ip liftinqidir.
"Lipolitika da effektivdir. Çənədə yağ yığılır və ligamentlər uzandığı üçün dəri sallanmağa başlayır, lakin ineksiyalar onu parçalayır. Hialuron turşusu da kömək edir: biorevitalizatorlar və mezo-kokteyllər buxağın görünməsinə səbəb olan qıvrımları aradan qaldırır. Bundan əlavə, üz masajını da unutmamalısınız, lakin təsirin qısa müddətli olduğunu və müdəti olaraq həyata keçirməli olduğunu da qeyd etmək lazımdır", - həkim yekunda söyləyib.//Publika.az
