İsveçrədə "Sürix"in qonağı olacaq "Qarabağ" azarkeşləri üçün biletlərin qiymətləri açıqlanıb.
"Sürix" - "Qarabağ" matçının biletlərinin qiyməti açıqlanıb
![](http://cdn.musavat.com/news/thumbnails/5cebaf11411e9766f04bc8cb5cb0ce17.jpg)
Musavat.com klubun mətbuat xidmətinə istinadən xəbər verir ki, matçın keçiriləcəyi "Letsiqrund" stadionunda "Qarabağ"ın azarkeşləri üçün iki sektor ayrılacaq.
Belə ki, azarkeşlər oyundan iki saat əvvəl, 17.00-da onlar üçün ayrılmış B12 və B13 sektorlarının giriş qapılarından bilet ala bilərlər. Biletin qiyməti 25 İsveçrə frankıdır. Ödənişlər yalnız nağd və İsveçrə frankı ilə qəbul ediləcək.
"Sürix" - "Qarabağ" oyunu iyulun 27-də Bakı vaxtı ilə 21:00-da baş tutacaq. İlk matçda Ağdam klubu 3:2 hesabı ilə qalib gəlib.