"Rossia Today" telekanalının baş redaktoru Marqarita Simonyan Rusiya təhlükəsizlik qüvvələrinin Moskva yaxınlığında “Crocus City Hall”da terror aktı törətməkdə şübhəli bilinən şəxsləri saxlayarkən etdiyi hərəkətlərə münasibətini bildirib.
Musavat.com xəbər verir ki, bu barədə RTVI teleqram kanalı yazır.
Marqarita Simonyan müsahibəsində terrorçunun qulağını kəsən oğlana heç nə olmayacağına ümid etdiyini bildirib.
“İndi bütün sərbəst qovğa arqumentlərinizlə mənə hücum edin və istədiyinizi söyləyin. Qətiyyən vecimə deyil”, - deyə Marqarita Simonyan telekanala bildirib.
Baş redaktor şübhə etmir ki, o, “bir çox rus hərbçilərinin və ictimai rəy baxımından əhəmiyyətli şəxslərin” fikrini müdafiə edir.
O, fikirlərini dəstəkləmək üçün 2011-ci ildə terror aktı törədən və 77 nəfərin ölümünə səbəb olan Anders Breyviki misal çəkib. Norveçdə Breyvik 21 il həbs cəzasına məhkum edilib və idman zalı, televizoru və oyunları olan kamerada saxlanılır.
"Bura sizin üçün Norveç deyil", - deyə Simonyan yekunlaşdırıb.
Bundan əvvəl "Russia Today" telekanalı qulaqsız qalan terrorçunun dindirilməsinin görüntülərini əks etdirən video yayıb. O, cinayət ortaqları ilə birlikdə Bryansk vilayətində tutulub.
Musavat.com
