2023-cü ilin doqquz ayında Rusiyadan Türkiyəyə turist axını ötən ilin eyni dövrü ilə müqayisədə 30 faiz artaraq 4,4 milyon səfər təşkil edib.
Bu barədə Rusiya İqtisadi İnkişaf Nazirliyinin mətbuat xidmətinin Rusiya-Türkiyə turizm üzrə işçi qrupunun Ankarada keçirilən iclasının yekunlarına dair məlumatında xəbər verilib.
İclasda Rusiya nümayəndə heyətinə iqtisadi inkişaf nazirinin müavini Vladimir İliçev, Türkiyə tərəfdən isə mədəniyyət və turizm nazirinin müavini Nadir Alpaslan başçılıq edib. İliçev Türkiyə istiqamətinin həm qiymət, həm də nəqliyyat baxımından Rusiyadan gələn turistlər üçün əlçatan olmasının vacibliyini qeyd edib. “Həm turizm sənayesi, həm də aviaşirkətlər qeyd edirlər ki, sərnişin hava nəqliyyatına tələbat daim təklifi üstələyir”.
Türkiyə tərəfi rusiyalı turistlər üçün ən rahat şəraitin yaradılması istiqamətində işi davam etdirməyə hazır olduğunu bildirib. Alpaslan Rusiya nümayəndə heyətinə Rusiyada vahid elektron viza mexanizminin işə salınmasına görə təşəkkür edib ki, bu da artıq Türkiyə vətəndaşlarının Rusiyaya cəlb olunmasını stimullaşdırır. Nümayəndə heyətlərinin rəhbərləri iki ölkənin turizm layihələrinə investisiyaların cəlb edilməsi sahəsində əməkdaşlığın genişləndirilməsi perspektivlərinə xüsusi diqqət yetiriblər.
Musavat.com
