Sankt-Peterburq və Leninqradskaya Arbitraj Məhkəməsi "RusKhimAlliance" MMC-nin Deutsche Bank AG-dən bank zəmanəti (həmçinin cərimələr) üzrə 238 milyon avro borcun geri alınması tələbini qismən təmin edib.
Musavat.com Rusiya mətbuatına istinadən xəbər verir ki, "RusKhimAlliance" MMC bankın nizamnamə kapitalındakı payların müsadirə olunmasını da tələb edib. Bundan əvvəl məhkəmə iddiaçının tələbi ilə müvəqqəti tədbirlər görüb - Deutsche Bank-ın 239 milyon avro məbləğində aktivlərinə, həmçinin Deutsche Bank MMC və Deutsche Bank Technology Center MMC-də iştirak paylarına həbs qoyub.
RusXimAlliance (RHA), (Ust-Luqada etan tərkibli qazın emalı kompleksinin tikintisinin operatorlarından biri, “Qazprom” və “RusQazDobychi”nin birgə müəssisəsi), Linde konsorsiumu və Renaissance Heavy Industries MMC ilə 2021-ci ildə Leninqrad vilayətində qaz emalı zavodunun tikintisi üzrə açar təhvili müqaviləsi imzalayıb. Müaviləyə əsasən RHA Linde-yə avans köçürüb, lakin 2022-ci ilin mayında Linde müştərini Avropa İttifaqı sanksiyaları səbəbindən işin dayandırılması barədə xəbərdar edib.
Zəmanətçi banklar Rusiya şirkətinə ödənişin Avropa sanksiyalarını poza biləcəyini göstərərək öhdəliklərini yerinə yetirməkdən imtina ediblər.
“RusKhimAlliance” zəmanətçi banklara - Deutsche Bank, Commerzbank AG, UniCredit Bank AG, Bayerische Landesbank və Landesbank Baden-Wurttemberg-ə qarşı Sankt-Peterburq və Leninqrad vilayətinin Arbitraj Məhkəməsində iddia qaldırıb.
Deutsche Bank daha əvvəl elan edib ki, o, özünü "müştərinin təzminat müqaviləsi ilə tam qorunan" hesab edir. DB illik hesabatında Rusiyanın iddiasını ödəmək üçün 260 milyon avro ehtiyat yaratdığı qeyd edilib.
Musavat.com
