Qırğızıstan Xarici İşlər Nazirliyi Rusiya polisinin ölkənin Moskvadakı diplomatının ailə üzvlərinə qarşı hərəkətlərindən narahatlığını bildirib.
Musavat.com xəbər verir ki, bu barədə bəyanat nazirliyin saytında yerləşdirilib.
Bəyanatda qeyd edilir ki, aprelin 12-də Qırğızıstan Xarici İşlər Nazirliyinin konsulluq idarəsində Rusiya səfirliyinin konsul müşaviri Andrey Buryev ilə görüş keçirilib. Görüşdə Qırğızıstanın 1961-ci il Diplomatik Münasibətlər haqqında Vyana Konvensiyasının müddəalarını “kobud şəkildə pozan” Rusiyanın daxili işlər orqanları əməkdaşlarının ölkənin Moskvadakı səfirliyinin müşavirinin ailə üzvlərinə qarşı hərəkətlərindən narahatlığı ifadə olunub.
Aprelin 4-də Qırğızıstanın baş naziri Akılbek Japarov bildirib ki, Qırğızıstan və Rusiya bankları bir-biri ilə işləyir. Daha sonra o, Qırğızıstan Nazirlər Kabinetinin MIR kartına xidmətin dayandırılmasında iştirak etmədiyini deyib.
Musavat.com
