Türkiyənin İzmir şəhərində, barələrində həbs qərarı çıxmış 2 məhkum polisin keçirdiyi əməliyyatlarda saxlanılıb.
BAKU.WS Türkiyə KİV-ə istinadən xəbər verir ki, məhkumlardan birinin gizləndiyi toyuq hinində yaxalandığı bildirilib.
Qeyd olunub ki, polislər “fırıldaqçılıq” ittihamı ilə 3 il 4 ay həbs cəzasına məhkum edilən Ö.Ö.-nün Konak rayonundakı bir evdə olduğunu təyin edib.
Polislərin gəldiyini anlayan və toyuq hinində gizlənən Ö.Ö., evdə axtarış aparan polislər tərəfindən tapılıb.
“Narkotik vasitələrin qanunsuz dövriyyəsi” cinayətinə görə 15 il 6 ay 20 gün müddətinə azadlıqdan məhrum edilən V.B. da gizləndiyi evdə yaxalanıb.
Bildirilib ki, V.B. və Ö.Ö.-nün barəsində polisin istintaqı davam etdirilir.
