PSJ-nin hücumçusu Kilian Mbappe klubdan ayrılması münasibətilə Parisin mərkəzində 250 nəfərlik vida yeməyi təşkil edib.
Yenisabah.az Fransa mətbuatına istinadən xəbər verir ki, dəvətlilər arasında Fransa prezidenti Emmanuel Makron da olub.
2024-cü ilin yayında 25 yaşlı futbolçunun Paris klubu ilə müqaviləsi başa çatır və o, azad agent kimi "Real"a keçəcək.
Bu mövsüm Mbappe PSJ-nin heyətində 47 oyuna çıxıb, 44 qol vurub və 10 qolun ötürməsini verib.
