Uruqvay Futbol Federasiyasının prezidenti İqnasio Alonso Qətərdə keçirilən dünya çempionatının qrup mərhələsində hakimlərin işini tənqid edib.
Qol.az xəbər verir ki, o, "A Bola"ya açıqlamasında deyib: “Oyunlarımızda ciddi səhvlərə yol verən iki hakim daha dünya çempionatında hakimlik etməyəcək. Qrupun digər oyunlarında da qayda pozuntuları qeydə alınıb. Kimsə Kriştiano Ronaldonun yanında öskürdü penalti təyin olundu".
Qeyd edək ki, Uruqvay DÇ-2022-nin qrup mərhələsini 3-cü pillədə başa vurub və qrupda qalıb.
Xatırladaq ki, Ronaldo qrup mərhələsinin 1-ci turunda Qana ilə matçda (3:2) penaltidən fərqlənib.
