Amerikalı iş adamı İlon Mask bildirib ki, o, ölkə prezidentliyinə namizədlərin heç birinə pul verməyəcək.
Sahibkar müvafiq postu X sosial şəbəkəsindəki (keçmiş Twitter) səhifəsində dərc edib: "Vəziyyətə aydınlıq gətirmək üçün: mən prezidentliyə namizədlərin heç birinə pul bağışlamayacam".
Bundan əvvəl Bloomberg mənbələrə istinadən ABŞ-ın keçmiş prezidenti Donald Trampın sahibkar İlon Maskla görüşdüyünü bildirib. Jurnalistlərin məlumatına görə, hadisə martın 3-də baş verib.
Materialda qeyd edilib ki, görüş eks-dövlət başçısının öz seçki kampaniyasını maliyyələşdirmək üçün donorları cəlb etməyə çalışdığı bir vaxtda təşkil olunub. Lakin digər təfərrüatlar açıqlanmayıb.
Musavat.com
