2026-cı il üzrə “Global Firepower” reytinqinin nəticələrinə əsasən, hərbi güc göstəricilərinə görə dünyanın ən güclü dövləti ABŞ-dir.
Musavat.com xəbər verir ki, siyahıda ikinci yerdə Rusiya qərarlaşıb.
Reytinqə görə ilk onluğa Çin, Hindistan, Cənubi Koreya, Fransa, Yaponiya, Böyük Britaniya, Türkiyə və İtaliya daxildir. Bu ölkələr hərbi büdcə, canlı qüvvə, texnika, hava və dəniz potensialı kimi əsas göstəricilər üzrə ön sıralarda yer alıblar.
Region ölkələrinə gəlincə, Azərbaycan siyahıda 60-cı pillədə qərarlaşıb. İran 16-cı yerdə göstərilib. Gürcüstan 95-ci, Ermənistan isə 101-ci mövqedə yer alıb.
Keçmiş SSRİ ölkələrinin “Global Firepower” reytinqində mövqeləri (2026):
Rusiya — 2-ci yer
Ukrayna — 18-ci yer
Qazaxıstan — 58-ci yer
Azərbaycan — 60-cı yer
Özbəkistan — 65-ci yer
Belarus — 66-cı yer
Türkmənistan — 77-ci yer
Litva — 83-cü yer
Latviya — 92-ci yer
Gürcüstan — 95-ci yer
Estoniya — 96-cı yer
Ermənistan — 101-ci yer
Moldova — 105-ci yer
Qırğızıstan — 110-cu yer
Tacikistan — 112-ci yer
Qeyd edək ki, “Global Firepower” reytinqi hər il 140-dan çox ölkənin hərbi potensialını 50-dən artıq meyar — hərbi büdcə, şəxsi heyət, silahlanma, logistika imkanları, sənaye bazası və coğrafi amillər əsasında qiymətləndirir.
Musavat.com
