Novosibirskdə hüquq-mühafizə orqanlarının əməkdaşları şəhər şurasının deputatı, yaşayış massivlərinin inşaatçısı Aleksey Culayı dələduzluq işi üzrə saxlayıblar.
Bu barədə hüquq-mühafizə orqanlarındakı mənbə məlumat verib.
Culay əvvəllər səhmdarların vəsaitləri ilə fırıldaqçılıq etməkdə şübhəli bilinən “Diskus” tikinti şirkətləri qrupunun sahibidir.
Aprelin əvvəlində müstəntiqlər Novosibirsk şəhərinin Oktyabrski rayonunda iki binanın tikintisi zamanı səhmdarların pulları ilə dələduzluq faktı üzrə cinayət işi açıblar. Daha sonra vilayət prokurorluğunun mətbuat xidməti “Diskus” şirkətlər qrupunun rəhbərliyinin şübhə altında olduğunu qeyd edib.
Məlumata görə, Novosibirskdəki Plyuşçixinski yaşayış massivində yaşayış binalarının tikintisi zamanı pul oğurlanıb. Binalardan birinin 2018-ci ildə, ikincisinin isə 2023-cü ilin birinci rübündə başa çatdırılması planlaşdırılıb. (Oxu.az)
