Yalutorovskda (Tümen vilayəti) fərdi evdə zorakılıqla ölüm izləri olan 59 yaşlı kişinin meyiti tapılıb.
Rusiyanın regional İstintaq Komitəsinin məlumatına görə, müstəntiqlərin fikrincə, öldürülən kişi ilə arvadı arasında mübahisə baş verib, bu zaman tümenli qadın ərinə 15 bıçaq zərbəsi vurub.
“İstintaqın versiyasına görə, aprelin 5-nə keçən gecə cütlük birlikdə spirtli içki qəbul edib. Bir anda onların arasında mübahisə yaranıb, nəticədə şübhəli şəxs bıçağı götürüb. O, ərinin döş qəfəsinə və kürəyinə azı 15 zərbə endirib”, - məlumatda bildirilir.
Qadının 40 yaşı var. Ona qarşı ittiham irəli sürülüb və məhkəmə həbs qətimkan tədbiri seçib. (lent.az)
