Amerikalı milyarder, maliyyəçi, “Pershing Square Capital Management” hedcinq fondunun rəhbəri Bill Ekman dövlət başçısı postu uğrunda mübarizədə keçmiş prezident, ABŞ prezidentliyinə namizəd Donald Trampı dəstəkləyib.
Musavat.com xəbər verir ki, o, bu barədə özünün “X” hesabında məlumat paylaşıb:
“Mən Donald Trampı rəsmən dəstəkləyəcəyəm. Sizi əmin edirəm ki, mən bu qərarı diqqətlə, rasional və mümkün qədər çox empirik məlumatlara əsaslanaraq qəbul etdim”.
Ekman Trampı dəstəkləyən və “onun tez sağalacağına ümid etdiyini” bildirən milyarder İlon Maskdan nümunə götürüb.
Musavat.com
