"Bu il ilk dəfə Şuşa şəhərində BMT bayrağı dalğalandırılıb".
Musavat.com xəbər verir ki, bunu Azərbaycan xarici işlər naziri Ceyhun Bayramov keçirdiyi mətbuat konfransında deyib.
Nazir xatırladıb ki, bu il Azərbaycanın BMT-yə üzvlüyə qəbulunun 30 ili tamam oldu.
O bildirib ki, bu il ilk dəfə Şuşa şəhərində BMT bayrağı dalğalandırılıb: "Hesab edirəm ki, bu, tarixi hadisədir".
Nazir bildirib ki, Azərbaycanın xarici siyasəti milli təhlükəsizlik və sosial inkişaf üçün əlverişli xarici mühitin yaranmasına yönəlib.
