Aİ-nin Xarici işlər və təhlükəsizlik siyasəti üzrə ali nümayəndəsi Josep Borrel Avropa diplomatlarının avqust ayında Budapeştdə görüşdüyü günlərdə tarixlərdə Aİ xarici işlər nazirlərinin görüşünü təşkil etmək niyyətindədir.
Musavat.com xəbər verir ki, bu barədə “Politico” qəzeti üç diplomata istinadən məlumat yayıb.
Hazırda Aİ-yə sədrlik edən Macarıstan avqustun 28-29-da Budapeştdə Aİ-nin xarici siyasət rəhbərlərinin görüşünü təyin edib. "Eyni günlərdə ali nümayəndə Borrel tərəfindən təşkil edilən Aİ Xarici Əlaqələr Şurasının rəsmi iclası olarsa, nazirlər Budapeştə gələ bilməyəcəklər", -diplomatlardan biri deyib.
Nəşrin digər həmsöhbəti qeyd edib ki, xarici işlər nazirləri Budapeşt görüşünü boykot etməklə “Macarıstanın Aİ adından danışmadığına dair aydın siqnal vermək istəyirlər”.
Qəzetin yazdığına görə, paralel görüşün keçirilməsi Almaniya və Fransa da daxil olmaqla bir neçə Aİ ölkəsi tərəfindən müzakirə edilir. Planın çərşənbə günü təqdim ediləcəyi gözlənilir.
Musavat.com
