"İsrail-Livan sərhədində qarşıdurmaların dayandırılacağına dair heç bir məlumat yoxdur".
Musavat.com xəbər verir ki, bunu BBC-nin müxbiri Wyre Davies deyib.
O bildirib ki, nə Hizbullah, nə də İsrail hərbi əməliyyatların dayandırılmasının tərəfdarıdır.
Davies əlavə edib ki, iki tərəf arasında heç bir əlaqə mexanizmi yoxdur:
"Bölgədən danışdığım BMT rəsmiləri ümidlidirlər, lakin onlar İsrail və Livan arasında çox həssas sərhəddə Qəzzada olduğu kimi qısamüddətli atəşkəs gözləmədiklərini bildiriblər".
Qeyd edək ki, bu gün İsrail ilə Fələstin arasında əsir mübadiləsi razılaşması çərçivəsində 4 günlük humanitar atəşkəs başlayıb.
Musavat.com
