40 yaşından əvvəl siqareti tərgitən insanlar bu pis vərdişi olmayan insanlar qədər yaşaya bilərlər.
Toronto Universitetinin alimləri bu qənaətə gəliblər.
Onların araşdırmalarının nəticələri "NEJM Evidence" jurnalında dərc olunub.
Mütəxəssislər ABŞ, Britaniya, Kanada və Norveçin bir milyon yarım sakininin məlumatlarını təhlil edərək müəyyən ediblər ki, 40-79 yaş arası siqaret çəkənlərin vaxtından əvvəl ölmə ehtimalı üç dəfə çoxdur. Üstəlik, tütün aludəçiləri sağlam həyat tərzinə riayət edənlərdən 12-13 il daha qısa yaşayırlar.
5 il davam edən müşahidənin sonunda məlum olub ki, siqareti tərgidənlər arasında ölüm riski 1,3 dəfə azalıb.//Publika.az
