Rusiyanın İkinci Qərb dairəsi üzrə Hərbi Məhkəməsi “Meta” korporasiyasının mətbuat katibi Endi Stounu qiyabi olaraq ümumi rejimli koloniyada altı il müddətinə azadlıqdan məhrum edib.
Stoun Rusiya Federasiyası Cinayət Məcəlləsinin 205.2-ci maddəsinin 2-ci hissəsi (“Terror fəaliyyətinə açıq çağırışlar, terrorçuluğa ictimai bəraət qazandırmaq və ya terrorizmin təbliği”) ilə təqsirli bilinib.
Müstəntiqlərin fikrincə, 2022-ci il martın 11-də o, xüsusi hərbi əməliyyatda iştirak edən Rusiya hərbçilərinə qarşı zorakılığa haqq qazandırmasına dair yazı paylaşıb. Müstəntiqlər belə qərara gəliblər ki, bu materialda, həmçinin terrorizmə açıq çağırışlar da var.
Mənbə: TASS
