Bakının Sabunçu rayonunda piyadanın vurulması ilə nəticələnən yol-nəqliyyat hadisəsi baş verib.
"Report"un məlumatına görə, 2005-ci il təvəllüdlü Bayramov Elmuraz Rafiq oğlu Zabrat qəsəbəsində məscidin yanında yolu keçərkən onu maşın vurub.
Hadisəni törədən sürücü yaralını dərhal 3 saylı Klinik Tibbi Mərkəzə çatdırıb. Xəstəyə kəllə-beyin travması diaqnozu qoyulub. Yaralı daha sonra Neyro-Cərrahiyə Xəstəxanasına aparılıb. Onun vəziyyəti ağırdır.