Yunanıstanda baş verən zəlzələ nəticəsində 1 nəfər ölüb, 10 nəfər xəsarət alıb.
APA-nın RİA Novosti agentliyinə istinadən verdiyi xəbərə görə, Lesbos adasının Vris qəsəbəsində bir qadın dağıntılar altında qalaraq həyatını itirib.
Bu gün yerli vaxtla saat 15:28-də Yunanıstanın Lesbos və Hios adaları arasında 6,1 bal gücündə zəlzələ baş verib. Gün ərzində bölgədə maqnitudası 4,8-dək daha bir neçə təkan qeydə alınıb.
