Bu təşkilatın üzvü olduğu bilinən bir çox məşhurlar var…
Təşkilat üzvləri həftədə iki dəfə "məzar" dedikləri bir binada toplaşırlar...
Bu gün dünyada demək olar ki, hər bir inkişaf gözümüzün önündə baş verir. Ancaq gizli təşkilatlarla bağlı şübhələr, maraq və nəzəriyyələr bitmir. Çünki bu təşkilatlar xaricə bağlıdır və üzvləri haqqında heç bir təsəvvürümüz yoxdur. Gizli təşkilatların strukturları ciddi qaydalarla idarə olunur. Buna görə də təşkilat daxilində də üzvlər bir-birilərini tanımırlar. Çətin şəraitdə seçilən və işə götürülən üzvlər təşkilatın bütün sirlərinə çata bilmirlər. Məlumdur ki, tarixdə bəzi təşkilatlar dünya sistemini dəyişdirmək, insanları idarə etmək, qorxu yaymaq və ya mənəvi təmizləmə seansları təşkil etmək kimi fərqli məqsədlər üçün qurulub. Onlardan bəzilərinin adı hər kəsə məlumdur.
Lakin “Kəllə və Sümük” adlı bir təşkilat da var ki, bu barədə çox az adam məlumatlıdır.
Hətta dəhşətli bir ada sahib olan bu təşkilatın yeni bir dünya nizamı yaratmağı hədəflədiyi də iddia edilir.
Təşkilat harada qurulub? Onun üzvləri kimlərdir? Tez -tez verilən sualların cavablarına birlikdə nəzər salaq.
“Kəllə və Sümüklər Cəmiyyəti” (Society of Skull and Bones) 1832 -ci ildə Yale Universitetində William Huntington Russell və Alphonso Taftın rəhbərliyi altında qurulub.
Bu cəmiyyətin üzvü olmaq üçün ən əsas şərtlər ağdərili, protestant və kişi olmaqdır. Son zamanlar tələbə qızların da cəmiyyətin üzvləri olduğu deyilir. Ancaq bu, birmənalı şəkildə sübut edilməyib. Cəmiyyət üzvləri, universitet rəhbərliyi də daxil olmaqla, bütün ictimai yerlərdə gizli saxlanılır.
Yale Universitetindən məzun olmaq, qeyd etdiyimiz cəmiyyətə üzv olmaq üçün başqa bir təbii şərtdir. “Kəllə və Sümüklər Cəmiyyəti” üçüncü kursda oxuduqları zaman “Pledge” dedikləri namizədləri irəli sürür. Tələbələrə namizədlikləri irəli sürüldükdən sonra onlara bir il ərzində monitorinq aparılacağı bildirilir. Namizədlər dördüncü kursa keçdikdə uyğun hesab edilərsə cəmiyyətin üzvü olurlar. Ancaq hər kəs “Kəllə və Sümüklər Cəmiyyəti”nin üzvü ola bilməz. Hər il yalnız 15 nəfər üzv qəbul edilir. Cəmiyyətin əsas məqsədlərindən biri də üzvlərini yüksək vəzifələrə gətirməkdir. Bu səbəbdən, liderlik missiyası hələ tələbə ikən üzvlərə aşılanır. Keçmişdə olduğu kimi, cəmiyyət üzvləri Amerika Birləşmiş Ştatlarında əhəmiyyətli inzibati səviyyələrdə iştirak edirlər.
“Kəllə və Sümüklər Cəmiyyəti”nin simvolu adına uyğun olaraq iki sümüyü olan bir kəllədir. Ancaq simvolun altındakı 322 rəqəminin mənası tam olaraq bilinmir. Ən çox yayılmış fikir bu rəqəmin Böyük İskəndərin öldüyü ilə aid olmasıdır.
Cəmiyyət həftədə iki dəfə "məzar" dedikləri bir binada bir araya gəlir…
Bu görüşlərdə həm tələbə, həm də məzunlar iştirak edə bilərlər. Hələ tələbə olan üzvlərə "cəngavərlər", məzunlara isə "patriarxlar" deyilir. Üzvlər gizlilik andı içərkən qapalı qapılar arxasında nə deyildiyi bilinmir. Məşhur üzvlər arasında William Howard Taft, George W. Bush və oğlu George W. Bush, “Time” jurnalının təsisçisi Henry Luce, ABŞ -ın keçmiş dövlət katibi John Kerry, Fortune 500 elitası və CIA üzvləri var.
İddiaya görə, 1960-cı illərdə iki tələbə meşədə tapdıqları bir keçidlə “Kəllə və Sümüklər Cəmiyyəti”nin şüşəsiz binasına girməyi bacarıblar. Bunun nə qədər dəqiq olduğu bilinmir, ancaq tələbələrin iddiasına görə, binada müxtəlif məbədlər, ritual materiallar və kəllələr var. Kəllələrin yerləşdiyi ərazidə tac, qələm və əsanın olduğu bildirilir. Tələbələrin dediyinə görə, bu obyektlərin altında “Kral kimdir, şahzadə kimdir, dilənçi kimdir? Ölüm qarşısında hamısı bərabərdir" yazısı yer alır.
Bu sözlər əslində cəmiyyətin fəlsəfi düşüncəsini ortaya qoyur. Tələbələr gördüklərini söylədikdən sonra cəmiyyətə qarşı sərt tənqidlər kəsilib.
İngilis yazıçı Antoni Sutton 1986 -cı ildə yazdığı "Amerikanın Gizli Hökuməti: Kəllə və Sümüklər" kitabında bu cəmiyyətin "yeni dünya nizamı" yaratmağa çalışdığını iddia edib.
Prezidentlərin, senatorların, kabinet üzvlərinin və hakimlərin cəmiyyətin tanınmış üzvləri arasında olduğunu nəzərə alsaq, Antoni Suttonun iddialarını qəbul etmək asan olur. Müəllif Corc Buşun təşkilatdakı gizli adının "Magog", oğlunun isə "Temporary" olduğunu bildirir.
“Kəllə və Sümüklər cəmiyyəti”nin Illüminatların Amerika qolu olduğu düşünülür.
Ancaq iki cəmiyyət arasında heç bir əlaqənin olduğuna dair heç bir dəlil yoxdur.
Turan Oruc
Musavat.com
