Yaponiyanın ən böyük müxalifət partiyası olan Demokratik Partiyanın (DP) sədri xanım Renho rəsmi olaraq istefa verdiyini elan edib. Bu barədə iyulun 27-də Renho Murata özü bəyan edib.
Xanım Renho deyib: “Qərara almışam ki, partiyanın lideri vəzifəsini tərk edim”.
Partiya liderinin istefa verməsinin səbəbi kimi, Tokio assambleyasına seçkilərdə DP-nin məğlubiyyəti göstərilir.
Sabiq sədr bildirib ki, o, Demokratik Partiyanın üzvü olaraq qalacaq və onun yenilənməsi uğrunda mübarizəni davam etdirəcək.
