Hakim Yeni Azərbaycan Partiyasının mərkəzi qərargahında ölkədə fəaliyyət göstərən siyasi partiyaların toplantısı keçirilir.
Musavat.com-un əldə etdiyi məlumata görə, toplantının mövzusu aşağıdakı kimidir: “Vətən Müharibəsi: “Prezident-Xalq-Ordu birliyinin möhtəşəm rəmzi”.
Verilən məlumata görə, toplantıda ölkədəki əksər siyasi partiyaların liderləri ilə yanaşı, müstəqil politoloqlar, KİV rəhbərləri də iştirak edirlər.
Toplantıda Yeni Azərbaycan Partiyasının Sədr müavini - Mərkəzi Aparatın rəhbəri Tahir Budaqov giriş sözü ilə çıxış edib.
Yığıncağın əsas məruzəçiləri millət vəkili, VHP sədri Sabir Rüstəmxanlı, millət vəkili, Sosial Tədqiqatlar Mərkəzinin rəhbəri Zahid Oruc, hərbi ekspert, ehtiyatda olan polkovnik Şair Ramaldanov, politoloq Eldar Namazov və millət vəkili Hikmət Babaoğludur.
Musavat.com