Xorvatiyanın Dubrovnik şəhərinin Qruj rayonunda yeni minarəli məscid inşa olunacaq.
Yerli müsəlmanların lideri Faxim Vukoutiç bildirib ki, məscidin tikintisi sənədlərin yoxlanmasından sonra başlayacaq və iki il davam edəcək. O qeyd edib ki, məscid Mərakeş və Aralıq dənizi memarlıq üslubunda ilə inşa ediləcək.
Qeyd edək ki, məscidin tikiləcəyi rayonda Bosniya və Herseqovina, Albaniya və Türkiyədən olan 1500-ə yaxın müsəlman yaşayır. Hazırda Xorvatiyada 3 minarəli və 15 minarəsiz məscid fəaliyyət göstərir./Azərtac/